Ish-kryetari i LDK-së, Isa Mustafa, ka reaguar për ndarjen nga jeta të Bujar Bukoshit, për të cilin thotë se ishte njëriu që s’u dorëzua asnjëherë.
Siç shkruan Mustafa, kontributi i Bukoshit, vështirë se mund të matet, ndaj dhe mbetet kolos i Pavarësisë së Kosovës.
”Sot nuk mund të shkruaj gjatë për Kryeministrin tim dhe Kryeministrin e Kosovës dr Bujar Bukoshi i cili iku nga kjo jetë. Kam shumë për të thënë për njeriun që në kohët më të vështira drejtoi Qeverinë në ekzil, për njeriun që nuk u dorëzua asnjëherë sepse ishte i guximshëm, i ditur, i drejtë dhe i drejtpërdrejtë, i pastër si loti. Kontributi i tij vështirë se mund të matet, sepse punoi në kohë të pakohë, ku vetëm idealizmi për lirinë e Kosovës e drejtoi përpara. Bujari ishte dhe do të mbetet kolos i pavarësisë së Kosovës!”.