Nait Hasani ka treguar se kur ishte hera e fundit që kishte takuar komandantin legjendar, Adem Jasharin.
“Me Adem Jasharin jam taku në fund të vitit 1994 dhe në vazhdimësi deri kur kam ra në burg, data e fundit ka qenë më 17 janar të vitit 1997 bashkë me Rexhep Selimin. Jemi taku pas shpërthimit të bombës në Prishtinë, kemi diskutu se cilat hapa të mëtutjeshëm me i marrë”, tha Hasani.
Ndërkaq, Hasani tha po ashtu se vdekja për luftëtarët ishte asgjë.
“Kam hy në luftë, në luftë nuk dihet kush del i gjallë, as që e kam menduar që mundem me shpëtu, e kam mendu qe në çdo vend mundem me u vra. Kam qenë në të gjithë territorin e Kosovës, natën vetëm”, tha ai.