Kandidati për deputet nga radhët e PDK-së, Nasret Hajrizi, ka reaguar ndaj aktivitetit të fundit politik të kryeministrit Albin Kurti, duke e akuzuar atë për përdorim të fëmijëve në funksion të fushatës zgjedhore.
Përmes një postimi publik, Hajrizi ka përdorur gjuhë të ashpër ndaj Kurtit, duke e cilësuar atë si politikan mashtrues dhe përçarës.
Sipas tij, fëmijët nuk duhet të shfrytëzohen për qëllime politike apo propagandistike nga asnjë subjekt apo lider politik.
“Fëmijët nuk duhet të jenë mjet propagande për asnjë politikan”, ka shkruar Hajrizi, duke kritikuar mënyrën se si, sipas tij, po zhvillohet fushata politike.
Deklarata e kandidatit të PDK-së ka nxitur reagime dhe diskutime në rrjetet sociale, ndërsa fushata zgjedhore po hyn në ditët e saj vendimtare.