Kandidati i PDK-së për deputet, Nasret Hajrizi, në emisionin “N’pikë” në DTV Media, ka deklaruar se PDK ka dëshmuar ndër vite gatishmëri për bashkëpunim në proceset politike dhe institucionale në Kosovë.
Sipas Hajrizit, gjatë periudhave të qeverisjes së PDK-së ka pasur shumë raste kur partia ka ndërmarrë hapa bashkëpunues për zgjidhjen e çështjeve të rëndësishme dhe tejkalimin e sfidave me të cilat është përballur vendi.
Ai theksoi se aktualisht PDK e sheh më të mundshëm bashkëpunimin me partitë që sot janë në opozitë, ndërsa shprehu rezervat e tij për bashkëpunim me qeverinë aktuale.
Hajrizi vlerësoi se vendi ka nevojë për më shumë koordinim dhe bashkëpunim politik për të adresuar problemet me të cilat përballen qytetarët e Kosovës.