Gazeta ka raportuar më herët për rastin e rëndë në Grabanicë, ku një grua ishte paraqitur si person i zhdukur, pasi ishte larguar nga shtëpia duke lënë një letër ku shkruante se “nuk po mundem ma me jetuar”.
Pas publikimit të lajmit, sinjalizuesit kanë raportuar se gruaja që u gjet pa shenja jete është Hanemshahe Miftari.
Sipas tyre, sot, gjatë kërkimeve në zonë, Policia e Kosovës ka gjetur trupin e saj në ujërat e Lumëbardhit.
Mjeku kujdestar ka konstatuar vdekjen në vendngjarje, ndërsa Prokurori i Shtetit ka urdhëruar që trupi të dërgohet në IML për autopsi.
Rasti është cilësuar Hetim i Vdekjes dhe po hetohet nga njësitë kompetente policore.