Kandidati për deputet nga radhët e Koalicionit për Kosovën Fituese, Daut Haradinaj, ka uruar Gazmend Mehmetaj për betimin e tij si polic i Republikës së Kosovës.
Haradinaj ka njoftuar se Mehmetaj është nipi i “Kaçurrelit”, dëshmorit të Betejës së Gllogjanit.
Sipas Haradinajt kështu duhet të nderohet gjaku i derdhur për liri.
Postimi i plotë:
Gazmend Mehmetaj ‘Kaçurreli’ ishte pjesë e celulave të para të UÇK-së, bashkë me Shkëlzenin, Kadriun, Hashimin e shumë heronj tjerë të rënë e të gjallë. Kaçurreli idealin e tij për liri e shpagoi me gjak, ra dëshmor në betejën e Gllogjanit me 24 mars 1998 krah Himë Haradinaj e Agron Mehmetaj. Sot nipi tij i cili trashëgon emrin Gazmend, u betua si polic i Republikës së Kosovës. Gjaku i derdhur për liri, nderohet kështu. Të priftë e mbara Gazmend Mehmetaj i ri