Një grua në Malishevë është dërguar pa shenja jete në Qendrën Kryesore të Mjekësisë Familjare (QKMF) në këtë qytet.
Sipas raportit 24-orësh të Policisë së Kosovës, mjeku kujdestar ka konstatuar vdekjen e saj.
Bazuar në vlerësimin e mjekut, dyshohet se vdekja ka ardhur si pasojë e arrestit kardiak.
“Fsh. Bubavec, Malishevë 20.06.2026 – NN. Është raportuar se viktima femër kosovare është dërguar pa shenja jete në QKMF Malishevë, ku mjeku kujdestar ka konstatuar vdekjen e saj. Sipas mjekut kujdestar viktima dyshohet se ka ndërruar jetë prej arrestit kardiak. Me vendim të prokurorit trupi i pa jetë është dërguar në IML për obduksion”, thuhet në raportin e Policisë.