Një person është gjetur pa shenja jete sot në fshatin Gllamnik të Podujevës.
Lajmin për KosovaPress e ka konfirmuar zëdhënësja e Policisë së Kosovës për rajonin e Prishtinës, Flora Ahmeti e cila tha se rasti është duke u hetuar.
“Sot në stacionin policor të Podujevës, është iniciuar një rast Hetim mbi vdekjen. Rasti ka ndodhë në fshatin Gllamnik, ku është gjetë pa shenja jete viktima mashkull. Vdekjen e viktimës e ka konstatuar ekipi mjekësor në vendin e ngjarjes”, tha ajo për KosovaPress.
Sipas Ahmetit, rasti është duke u hetuar nga njësitet kompetente në koordinim me prokurorinë.