Milazim Krasniqi, njeri nga themeluesit e LDK-së, ka komentuar pak debatin e fundit në LDK.
Ai ka vlerësuar se LDK duhet ta zgjidhë vetë krizën.
Në profilin e tij në “Facebook”, Krasniqi ka bërë me dije se kjo partia nuk duhet të lejojë që të ndikojnë aktorët nga jashtë.
“Këto ditë më kanë ftuar disa media e më kanë sugjeruar edhe disa miq që të shkruajë për krizën në LDK. Nuk do të përfshihem në debat. Nuk dua të ndikoj me asnjë fjalë. LDK duhet ta zgjidhë vetë krizën dhe nuk duhet të lejojë që të ndikojnë akterë jashtë saj. Dëshira ime si njëri nga themeluesit e saj dhe nga veprimtarët që i kanë dhënë puls në vitet e okupimit është që ajo të rikthehet e fortë, e bashkuar. Ashtu do t’i kontribuonte demokracisë në Kosovë sot dhe do ta na e ruante historinë e rezistencës, e cila ende as nuk njihet në tërësinë e saj. P.S. Jam i sigurt që disa nga shkaqet e kësaj gjendjeje i njoh më mirë se sa shumica e atyre që janë sot në drejtimin e saj, por si njeri jashtë saj nga viti 2000, nuk dua të ndikoj”, ka shkruar ai.