Presidentja e vendit Vjosa Osmani, këto ditë po qëndron në një vizitë zyrtare në Shtetet e Bashkuara të Amerikës.
Presidentja Vjosa Osmani, nga atje ka marrë lajme të mira, pas takimit në Uashington me zëvendës sekretarin amerikan të Shtetit, Christopther Landau.
“Pas takimeve të shkëlqyeshme në Washington D.C ku diskutuam për rëndësinë e Kompaktit të MCC për Kosovën, jam informuar edhe zyrtarisht nga Zv. Sekretari amerikan i Shtetit, Christopher Landau, se Administrata Trump ka miratuar vazhdimin e këtij programi për Kosovën — një program me ndikim transformues për sektorin e energjisë dhe zhvillimin ekonomik të vendit tonë. Lajm i shkëlqyeshëm për Kosovën! Mirënjohje e thellë për Shtetet e Bashkuara të Amerikës”, ka shkruar Osmani.