Deputeti i LDK-së, Paris Guri, ka reaguar lidhur me deklaratën e ministres Donika Gërvalla për rastin e Arlinda Zekajt, të bërë gjatë seancës së jashtëzakonshme të së hënës.
Guri e ka vlerësuar deklaratën e Gërvallës si skandaloze, duke theksuar se pas tragjedisë së ndodhur, Ministria duhej të shpallte ditë zie si shenjë respekti dhe solidariteti.
“Deklarata e Donika Gërvallës ishte skandaloze, ministria atë ditë qeshte në seancë me një tragjedi shtetërore ku duhej ditë zie”, ka deklaruar Guri.
Gërvalla kishte deklaruar se Arlinda Zekaj nuk i ishte drejtuar Qeverisë për të kërkuar ndihmë para se të vritej dhe se, po ta kishte bërë këtë, institucionet ndoshta do të angazhoheshin për ta ndihmuar.