Zëvendëssekretarja e Përgjithshme e NATO-s, Radmila Shekerinska, do të zhvillojë sot një takim me emisarin evropian, Peter Sorensen, për dialogun Kosovë-Serbi dhe çështje të tjera rajonale në Ballkan.
Ky takim vjen pasi Sorensen përfundoi vizitat e tij të para në Kosovë dhe Serbi që nga emërimi si emisar i BE-së për dialogun e Brukselit.
Diskutimet mes dy zyrtarëve do të fokusohen në zhvillimet e fundit në rajon dhe përpjekjet për stabilitetin e Ballkanit Perëndimor.
Takimi do të mbahet me dyer të mbyllura dhe nuk pritet të ketë deklarata për media.