Një person është arrestuar në Pejë, nën dyshimin për kryerjen e vazhdueshme të veprave penale të fajdesë dhe detyrimit.
Sipas raportit 24-orësh të Policisë së Kosovës, rasti është duke u hetuar për veprimtari të dyshuara që datojnë nga viti 2025 deri në vitin 2026.
Gjatë bastisjes në shtëpinë e të dyshuarit, zyrtarët policorë kanë gjetur dhe sekuestruar katër armë, përfshirë dy pistoleta dhe dy pushkë të gjata, si dhe municion të kalibrave të ndryshëm.
Me urdhër të prokurorit, i dyshuari është dërguar në mbajtje.