Pas dy ditësh diskutimesh intensive, u përmbyll sot në Prishtinë edicioni i tretë i Forumit Ndërkombëtar për Paqen dhe Sigurinë, i organizuar nën udhëheqjen e Presidentes së Republikës së Kosovës, Vjosa Osmani, raporton Ekonomia Online.
Në fjalën përmbyllëse, Presidentja Osmani falënderoi të gjithë pjesëmarrësit për angazhimin dhe theksoi se Kosova do të vazhdojë të jetë një zë aktiv në nismat për paqe, siguri dhe drejtësi globale.
“Kosova ka kaluar në tmerre të mëdha dhe ka humbur shumë fëmijë gjatë luftës, kur sot shohim fëmijë të vegjël dhe është ndjenja që na jep dashuri dhe i jep kuptim gjithçka je që ne bëjmë çdo ditë, e bëni më madhështor përmbylljen e këtij forumi. Kosova dhe Shqipëria tashmë janë vende parësore duke falënderuar shumë gjenerata para nesh të cilët kanë luftuar që sot ta gëzojmë paqe sot dy vendet janë shembuj për rajon, ne nuk e harrojmë kurrë ndihmën që kemi marrë ndaj miqve”, theksoi Vjosa.
Në këtë forum morën pjesë 45 delegacione nga mbarë bota, përfshirë presidentë, ministra, përfaqësues të organizatave ndërkombëtare dhe aktivistë të shoqërisë civile.