Drejtori i të ashtuquajturës zyre serbe për Kosovën, e ngarkuar nga regjimi aktual serb për propagandë armiqësore ndaj Kosovës, Petar Petkoviq, dënoi atë që siç pretendon ai, “sulm të Albin Kurtit ndaj institucioneve serbe dhe objekteve të Hekurudhave të Serbisë në veri të Kosovës”.
“Ky sulm banditesk i sotëm tregon frikën nga rezultatet zgjedhore dhe uniteti i popullit serb, që ndihet në të gjitha mjediset serbe në Kosovë dhe Metohi”, pretendohet në propagandën e radhës së Petkoviqit.
Ai ka thënë se “Kurti kurrë nuk do të arrijë ta pengojë shtetin e Serbisë që ta ndihmojë, sipas tij, “popullin e vet” në Kosovë”.
“Të gjithë punëtorët në objektet e Hekurudhave të Serbisë, të cilët sot u gjendën nën shënjestër, do të vazhdojnë të marrin të gjitha të ardhurat dhe pagat si deri më tani. Dhunës dhe forcës Kurtit, populli serb do t’i përgjigjet me edhe më shumë unitet dhe bashkim, si dhe me mbështetje edhe më të fuqishme për Listën Serbe, e cila e vetme lufton për interesat e popullit serb”, ka thënë Petkoviqi.