Një armë zjarri dhe nëntë fishekë janë sekuestruar nga Policia e Kosovës gjatë një aksioni hetimor në rrugën “Fehmi Agani” në Ferizaj.
Sipas njoftimit të Policisë, njësiti i hetimeve i stacionit policor në Ferizaj ka zhvilluar dy kontrolle në pronat e një personi të dyshuar, me inicialet XH.B., 57-vjeçar, pas pranimit të informacioneve se ai posedonte armë zjarri.
Gjatë kontrollit në njërën prej pronave, zyrtarët policorë kanë gjetur dhe sekuestruar një pistoletë dhe nëntë fishekë.
Me autorizim të prokurorit të shtetit, ndaj të dyshuarit është iniciuar rast për veprën penale “Mbajtja në pronësi, kontroll ose posedim të paautorizuar të armëve”.
Rasti po trajtohet në procedurë të rregullt.