Ushtruesja e detyrës së Presidentes së Kosovës, Albulena Haxhiu, me të marrë drejtimin e institucionit më të lartë në vend, ka iniciuar një prokurim për një element të ri reprezentues të Presidencës.
Sipas dokumenteve të publikuara në KRPP-së, Presidenca ka zhvilluar procedurën e prokurimit me titull: “Punim i portretit të veçantë në skulpturë figurë simbolike për prezantim protokollar”.
Kontrata është nënshkruar më 6 korrik 2026, ndërsa vlera e saj është 650 euro.
Fitues i tenderit është operatori ekonomik “Lumjetë Havolli Blakçori B.I.” nga Podujeva, i cili ka qenë edhe ofertuesi i vetëm në këtë procedurë.
Në dokumentet e prokurimit nuk jepen detaje shtesë se kujt i dedikohet portreti apo ku do të vendoset skulptura simbolike që përshkruhet si e destinuar për “prezantim protokollar”.
