Një ngjarje tragjike ka ndodhur në fshatin Strellc të Epërm të komunës së Deçanit.
Dyshohet se djali ka vrarë aksidentalisht babanë në bjeshkët e Strellcit.
Zëdhënësi i Prokurorisë Themelore në Pejë, Shkodran Nikçi, tha se prokurori i shtetit dhe njësitë përkatëse të Policisë së Kosovës ndodhen në vendin e ngjarjes dhe po kryejnë veprimet hetimore.
“Po ndërmerren të gjitha veprimet e nevojshme hetimore për zbardhjen e plotë të rrethanave të rastit”, deklaroi Nikçi.
Lajmin e ka konfirmuar edhe Policia e Kosovës.
Zëdhënësi i Policisë, Driton Rugova tha për Insajderin se vrasja ka qenë aksidentale me armë zjarri.
“Rreth ore 13:43 policia ka pranuar një informatë se në Bjeshkët e Strellcit është një person i vrarë. Informacionet fillestare dyshohet se që është vrasje aksidentale mes fmailjarëve, policia ka sekuesturar një armë zjarri dhe jemi në proces të verifikimit të kësaj ngjarje”, tha Rugova.