Zyra e Prokurorit të Specializuar njoftoi se ka përfunduar paraqitja e provave në gjyqin ndaj ish-krerëve të Ushtrisë Çlirimtare të Kosovës (UÇK).
Dhomat e Specializuara njoftuan të mërkurën se prej 3 prillit të 2023-s kur ka nisur gjyqi, ZPS-ja i ka thirrur për të dhënë dëshmi 125 dëshmitarë, derisa janë paraqitur 3.000 prova materiale.
ZPS-ja ka bërë 1.430 parashtresa lidhur me këtë çështje gjyqësore.
“Dhe ZPS-ja ka bërë deri më sot 1 430 parashtresa lidhur me këtë çështje gjyqësore. Zotërinjtë Thaçi, Veseli, Selimi dhe Krasniqi akuzohen për krime kundër njerëzimit dhe krime lufte, përfshirë vrasjen e më shumë se 100 viktimave si dhe mbajtjen në paraburgim në mënyrë të paligjshme e torturimin e qindra viktimave.
“Në këtë gjyq janë pjesëmarrës më shumë se 150 viktima dhe ata përfaqësohen nga Avokati i Viktimave. Prokurorja e Specializuar Kimberli Uest (Kimberly Ëest) ngriti lart kurajën e viktimave dhe dëshmitarëve që dhanë dëshmi në këtë gjyq gjatë dy viteve të shkuara”, thuhet në njoftimin e ZPS-së.