Pas përfundimit të protestës së ditës së 18-të, protestuesit e iniciativës “Jo në emrin tim” kanë marshuar drejt hyrjes së Kuvendit të Kosovës, duke kërkuar miratimin pa vonesë të ndryshimeve në Ligjin për Dhomat e Specializuara.
Gjatë këtij aksioni organizatorët kanë lexuar me zë të lartë emrat e deputetëve të legjislaturës, duke u kërkuar përfaqësuesve të popullit të ushtrojnë përgjegjësinë e tyre.
Thirrja e protestuesve vjen në një moment kur kanë mbetur vetëm tri ditë nga skadimi i afatit kushtetues për zgjedhjen e Presidentit të Republikës.