Krisma dhe britmat e fëmijëve dëgjohen në një audio të prezantuar para trupit gjykues në rastin e vrasjes së Liridona Ademajt.
Pamjet dhe audiot po shfaqen gjatë administrimit të provave materiale, të cilët i përkasin datës 29 nëntor të ditës kritike.
“Koha në kamerat e servisit Mercedes Benz është shtatë orë para, dhe krismat dëgjohën në orën 03:17:11 sekonda. Koha reale e vrasjes sipas incizimeve kur dëgjohet krisma është 20:17:22 sekonda”, tha prokurorja.
Paraprakisht, janë shfaqur pamje të cilat tregojnë për vendin e ngjarjes.
“Pas kësaj ndërtese ka qenë edhe vendi i vrasjes dhe aty është parkuar në natën kritike vetura e llojit Seat. Kur e kemi dëgjuar këtë icizim, dhe kur e kemi shiquar audio icizimin e kompanisë Mercedes Benz, kemi parë që në prapavijë dëgjohen disa incizime, prandaj prokurori i ka dhënë urdhëres forenzikës që t’i ndaj audio incizimet nga incizimi i cekur”, ka thënë ajo.