Federata Sindikale e Punëtorëve të Sektorit Privat të Kosovës ka njoftuar se punëtorët teknikë të spitalit “Isa Grezda” në Gjakovë kanë hyrë në grevë për shkak të vonesës në pagesën e pagave.
Sipas njoftimit, punëtorët do të vazhdojnë grevën deri në momentin kur pagat e tyre të paguhen.
Federata ka shprehur shpresën që pagesat për këta punëtorë të realizohen sa më shpejt, në mënyrë që ata t’i kthehen punës.
“Shpresojmë që pagat për këta punëtorë të përcillen sa më shpejtë dhe punëtorët të kthehen në shërbimet e tyre, perderisa pagat nuk paguhen këta punëtorë do të qëndrojn në grevë”, thuhet në njoftim.