Qendra për Informim, Kritikë dhe Aksion (QIKA) ka njoftuar se sot, në orën 13:30, do të organizojë një aksion simbolik para Qeverisë së Kosovës, me qëllim të adresimit të rastit të vrasjes së Arlinda Sylaj Zekajt.
Sipas njoftimit, aksioni do të shoqërohet edhe me një konferencë për media.
Arlinda Sylaj Zekaj u vra të dielën në mbrëmje nga kunati i saj. Tri ditë para vrasjes, ajo kishte paralajmëruar institucionet për rrezikun që i kanosej jetës së saj.
Përmes një letre drejtuar prokurores në Pejë, ajo kishte kërkuar urgjentisht ndërmarrjen e masave ndaj personave që, sipas saj, kishin dështuar t’i përmbushnin detyrat e tyre për mbrojtjen e jetës së saj.