Kryeministri i Shqipërisë, Edi Rama, ka shprehur ngushëllime për vdekjen e kapitenit Arben Anamali, drejtues i anijes turistike në Bashkinë e Shkodrës, pasi kishte tentuar t’i shpëtojë dy turistë në Liqenin e Shkodrës.
Në një postim në Facebook, Rama e quajti të ndjerin dëshmor të atdheut.
“Nderojmë me mirënjohjen më të lartë të Republikës, Kapiten Arben Anamalin, drejtuesin e anijes turistike të Bashkisë Shkodër që sakrifikoi jetën e tij për të shpëtuar jetën e dy turistëve në Liqenin e Shkodrës”.
“I paharruar, Kapiten Arbeni”, ka thënë Rama.