Një incident ka ndodhur në hapësirat e qendrës tregtare Prishtina Mall, ku dy persona raportohet se kanë sulmuar fizikisht kapitenin e Policisë së Kosovës, Besart Ahmeti.
Sinjali raporton me burime, ku në raportim thuhet se incidenti dyshohet se ka nisur pas një mosmarrëveshjeje rreth parkingut, e cila më pas ka eskaluar në përplasje.
Sipas informacioneve të këtij mediumi, në incident janë përfshirë dy persona, të cilët dyshohet se kanë sulmuar kapitenin Ahmeti.
Pas eskalimit të situatës, në vendin e ngjarjes janë angazhuar zyrtarë policorë nga Stacioni Policor në Graçanicë, ndërsa më pas është përfshirë edhe Njësia për Reagim të Shpejtë (NJRSh).
Të gjitha palët e përfshira në incident janë shoqëruar në Stacionin Policor në Graçanicë, ku kanë nisur procedurat për sqarimin e plotë të rrethanave dhe marrjen e deklaratave.
Për rastin është njoftuar dhe është përfshirë edhe Inspektorati Policor i Kosovës (IPK).