Një përleshje mes pesë personash lidhur me një pronë ka ndodhur në Frashër të Mitrovicës, ku janë përdorur edhe mjete të forta, përfshirë një sëpatë.
Të gjithë të përfshirët kanë kërkuar trajtim mjekësor.
Sipas raportit policor, katër persona janë arrestuar, ndërsa tre prej tyre janë dërguar në mbajtje me vendim të prokurorit.
”Pas një mos marrëveshje verbale lidhur me një pronë pesë persona janë përleshur mes vete ku dyshohet se në rrahje janë përdorur edhe mjete të forta. Si pasojë e rrahjes, tretman mjekësor kanë kërkuar të gjithë të përfshirët në rrahje. Lidhur me rasti janë arrestuar katër të dyshuar, ndërsa në vendin e ngjarjes është gjetur dhe konfiskuar një sëpatë që dyshohet se është përdorur në rast. Pas intervistimit, me vendim të prokurorit kujdestar, tre prej të dyshuarëve janë dërguar në qendrën e mbajtjes, ndërsa njëri është liruar në procedurë të rregullt”.