Deputeti i Partisë Demokratike të Kosovës (PDK), Eman Rrahmani, ka kritikuar situatën politike në vend, duke thënë se synohet kthimi i autoritarizmit dhe kontrolli i institucioneve nga një person.
Rrahmani, para fillimit të seancës konstituive të Kuvendit, tha se kjo situatë, sipas tij, i konvenon atij që ka uzurpuar institucionet dhe se do të përdoren të gjitha mënyrat për zgjatjen e këtij pushteti.
“Me kthy në vendin tonë autoritarizmin, me u kontrollu gjithçka prej një njeriu. Kjo situatë i konvenon dikujt që i ka uzurpuar institucionet, ndaj do të provojë çdo mënyrë me i zgjatë jetën këtij lloj pushteti të dhunshëm të gjitha institucioneve që i ka uzurpuar. Ky ngërç dilet vetëm kur të bëhemi bashkë me popullin”, tha ai.