Anëtarët e aleancës perëndimore NATO duhet të përgatiten për një sulm të mundshëm nga Rusia brenda katër viteve të ardhshme, sipas shefit të mbrojtjes së Gjermanisë.
Gjenerali Carsten Breuer i tha BBC-së se Rusia po prodhonte qindra tanke në vit, shumë prej të cilave mund të përdoren për një sulm ndaj shteteve anëtare të NATO-s në Baltik deri në vitin 2029 ose edhe më herët.
Ai gjithashtu këmbënguli që NATO, Organizata e Traktatit të Atlantikut të Veriut, mbetet e bashkuar mbi luftën në Ukrainë, pavarësisht dallimeve në opinione të shprehura së fundmi nga Hungaria dhe Sllovakia.
Gjenerali Breuer foli në margjinat e Dialogut Shangri-la, një samit mbrojtjeje në Singapor i organizuar nga grupi i ekspertëve, Instituti Ndërkombëtar i Studimeve Strategjike, ka raportuar BBC.