Çmimet e derivateve të naftës në Kosovë vazhdojnë të jenë të larta.
Sot, në pikat e karburanteve në Prishtinë, një litër naftë po shitet për 1.90 euro, benzina për 1.63 euro, ndërsa dizel plus kushton 1.92 euro për litër.
Rritja e çmimeve të derivateve nisi në shkurt të vitit 2026, pas shpërthimit të luftës në Lindjen e Mesme.
Në fillim të marsit, nafta kushtonte nga 1.15 deri në 1.25 euro për litër, ndërsa në prill çmimi arriti në 1.89 euro. Gjatë kësaj periudhe, Ministria e Industrisë, Ndërmarrësisë dhe Tregtisë kishte vendosur çmime tavan për karburantet, masë që u hoq në fillim të shtatorit.
Pas disa luhatjeve gjatë muajve në vijim, në shtator çmimi i naftës arriti nga 1.95 deri në 1.97 euro për litër, ndërsa benzina kushtonte rreth 1.65 euro.