Kryetari i Aleancës Kosovare të Bizneseve, Agim Shahini, ka thënë se barikadat ishin veprime politike dhe kriminale që synonin minimin e sovranitetit të Kosovës, ndërsa protestat e bizneseve janë reagime legjitime për zhvillim ekonomik dhe mirëqenie.
Shahini theksoi se bizneset janë shtyllë e stabilitetit dhe kërkoi dialog të hapur me institucionet për të forcuar ekonominë e vendit.
Ai u bëri thirrje të gjithë aktorëve që të mos i barazojnë protestat legjitime me veprime destabilizuese, pasi kjo nuk i shërben as shtetit, as shoqërisë.