Sonte nata e fundit e Festivalit Ndërkombëtar “Ylberi i Prishtinës”

Mbrëmja Finale e Festivalit Ndërkombëtar “Ylberi i Prishtinës” mbahet sonte në Sallën e Kuqe të Pallatit të Rinisë

Pas dy netëve të mbushura me ngjyra, traditë dhe energji të jashtëzakonshme në sheshin “Zahir Pajaziti”, Festivali Ndërkombëtar “Ylberi i Prishtinës” do të përmbyllet sonte, më 26 maj 2025, me një mbrëmje gala në ambientin solemn të Sallës së Kuqe në Pallatin e Rinisë, në Prishtinë.

 Në këtë natë të fundit do të performojnë edhe njëherë grupet artistike nga:
Ukraina, Rumania, Turqia, Polonia, Bosnja e Hercegovina, Mali i Zi, Maqedonia e Veriut, Bullgaria, Shqipëria dhe Kosova, duke sjellë për publikun një përmbledhje magjepsëse të trashëgimive kulturore që i dhanë jetë festivalit përgjatë tre ditëve.

 Mbrëmja gala do të karakterizohet nga:

• Performanca të përzgjedhura artistike

• Ceremonia e ndarjes së mirënjohjeve

• Fjalime nga organizatorët dhe mysafirët ndërkombëtarë

 Ky është një moment i veçantë jo vetëm për artin dhe kulturën, por edhe për miqësinë ndërpopullore që ky festival ka ndërtuar, duke e kthyer Prishtinën në një qendër të dialogut kulturor evropian.

DTV MEDIA, si sponsor medial zyrtar, do të sjellë pamje ekskluzive dhe emocione nga kjo natë për të gjithë ata që nuk mund të jenë të pranishëm fizikisht.