Drejtori për Zhvillim Ekonomik dhe Inovacion në Komunën e Prishtinës, Luftar Braha, ka folur lidhur me propozimin për vendosjen e një tarife prej 10 eurosh për hyrjen në zonën qendrore të kryeqytetit.
Ai tha se dokumenti është vetëm në fazën e dëgjimit publik dhe se asgjë nuk është vendosur përfundimisht.
Sipas tij, tarifa po shqyrtohet kryesisht për automjete të caktuara, si kamionët e ndërtimit, autobusët dhe makineritë e vjetra.
Ndërkohë shtoi se “nëse vjen prej Pejës dhe parkon veturën mbrapa Pallatit të Rinisë, nuk të bie me pagu”.
“Është prej rregulloreve të rralla që është debatu dhe po debatohet në një formë të tillë. Personalisht jam i kënaqur. Kjo është një taksë që vendoset për një zonë që vendoset për qendrën. Unaza rreth “Agim Ramadanit” e “Luan Haradinajt”. Vjen prej Pejës, shkon parakohesh mbrapa Pallatit të Rinisë, nuk të bjën me hy në atë zonë.
“Puna 10 euro ose jo 10 euro është çështje e dëgjimit publik dhe finalizimit të dokumentit. Ky dokument është votuar për me dal në dëgjim publik, dhe vijnë komentet dhe argumentet dhe merret vendimi si do të shkojmë në fund dhe votohet në fund. Dhe ajo taksë 10 euro do të jetë për kamionët e ndërtimit, për autobusët ose makineritë shumë të vjetra…”, tha Braha.