Një ngjarje e rëndë ka ndodhur mbrëmë në urën e njohur të “Fshajt” në Gjakovë, ku një 33-vjeçar ka tentuar të vetëvritet duke u hedhur nga lartësia.
Burimet e Sinjalit bëjnë me dije se personi në fjalë është A.A., 33-vjeçar i cili është kapur në kohë nga Policia, pasi kishte ndaluar me veturën e tij pranë urës dhe kishte shfaqur shenja të dukshme të gjendjes së rënduar psikologjike.
Sipas informacioneve të siguruara, viktima dyshohet se ndodhej në gjendje të thellë depresive si pasojë e problemeve bashkëshortore. E kontaktuar nga hetuesit, gruaja e tij ka deklaruar se bashkëshorti i saj ka kohë që është në gjendje të rënduar mendore dhe e akuzon vazhdimisht për tradhti.
I riu nuk ka mundur të deklarohet për Policinë për shkak të gjendjes së rënduar emocionale. Me urdhër të Prokurorit të Shtetit, rasti është cilësuar si “Vetëvrasje në tentativë”, ndërsa i njëjti është dërguar për trajtim emergjent në repartin e psikiatrisë.
Hetimet janë në zhvillim.