Në ditën e fundit të muajit të shenjtë të Ramazanit, Myftiu Naim Tërnava iu është drejtuar besimtarëve myslimanë për festën e Fitër Bajramit.
Në fjalën e tij, ai tha se kjo festë kujton që gëzimi i vërtetë është ai që ndahet me të tjerët.
“Bajrami na tregon që humanizimi nuk është vetëm një ndjenjë, por obligim”, tha ai.
Pos tjerash, Myftiu Tërnava tha se festa e Bajramit udhëzon njerëzit për më shumë paqe në botë.
“Fitër Bajrami na rikujton edhe fisnikërinë e njeriut. Ai është i ndërtuar për të përhapur vlerat e mirësisë e drejtësisë. Andaj kjo është një thirrje që këto vlera t’i përçojmë edhe pas përfundimit të Ramazanit”, u shpreh Tërnava.