Veprimtari shqiptar në Shtetet e Bashkuara të Amerikës, Uk Lushi, ka bërë një deklaratë të fortë në adresë të kryeministrit në detyrë, Albin Kurti, duke pretenduar se ai tashmë e di verdiktin që pritet të merret nga Gjykata Speciale.
Lushi, përmes një postimi, ka ngritur pretendimin se Kurti është informuar paraprakisht për vendimin, duke e lidhur këtë me persona që ai i cilëson si “sponsorët e tij” në Berlin dhe Londër.
“Albin Kurti e di verdiktin e Speciales. Ai është informuar nga sponsorët e tij në Berlin dhe Londër”, ka shkruar Lushi.
Deklarata e tij vjen në një periudhë kur zhvillimet dhe vendimet që lidhen me proceset në Gjykatën Speciale në Hagë vazhdojnë të jenë në vëmendjen e opinionit publik në Kosovë.
Megjithatë, Lushi nuk ka dhënë në postimin e tij detaje apo prova konkrete se mbi çfarë informacioni e bazon këtë pretendim, ndërsa nuk ka pasur ndonjë konfirmim zyrtar që Kurti është informuar për ndonjë verdikt të Gjykatës Speciale.