Gazetari e analisti politik, Valon Syla, është tallur me kreun e VV’së, Albin Kurtin dhe nënkryetarin Glauk Konjufca, pas refuzimit të Lidhjes Demokratike të Kosovës për takim konsultatim.
Syla ka thënë se Kurti e Konjufca nga “diskursi për hajvana po lypin miq në mesin e tyre”.
Syla në këtë postim ka shtuar edhe skenarë të mundshëm, në rast se Nisma Socialdemokrate vazhdon të negociojë për partneritet me VV’në.
“Ndërsa “Nisma ende mbetet shylevek pozicion” në stilin edhe anej edhe këndej. Ata presin që me Albin Kurtin Kryeministër, Fatmir Limajn ta kenë si Kryeparlamentar, i cili lehtë do të mund të përfundoj edhe si ushtrues i detyrës së Presidentit… e ndoshta pas tij edhe të propozohet për President dikush nga Familja Jashari…
Nejse, këto janë ende kërkesa dhe skica bazike të koalicionit me VV. Por çkado që vendos Fatmir Limaj më si zë besë askush nga partitë kryesore kosovare, as për koalicion e as për fjalën publike… horë janë bo e tash te shohim”, ka shkruar Syla.