Detaje të reja janë bërë të ditura lidhur me aksidentin hekurudhor që ndodhi mëngjesin e sotëm në Komunën e Klinës, ku tre persona kanë mbetur të lënduar.
Rasti është raportuar rreth orës 06:10, ndërsa nga aksidenti, përveç lëndimeve, janë shkaktuar edhe dëme materiale.
Sipas informacioneve të deritanishme, të lënduarit janë jashtë rrezikut për jetë.
Në vendin e ngjarjes ka dalë ekipi kujdestar i Autoritetit Kombëtar të Hetimit të Aksidenteve dhe Incidenteve Aeronautike, Hekurudhore dhe Detare (KHAIA), i cili po kryen ekzaminimet dhe po mbledh të dhënat për të përcaktuar rrethanat e aksidentit.
Ndërkohë, janë publikuar edhe fotografi nga vendi i aksidentit, të cilat tregojnë pasojat dhe dëmet e shkaktuara.
Hetimet për rastin janë duke vazhduar, ndërsa detaje të tjera pritet të publikohen pas përfundimit të ekzaminimeve në vendin e ngjarjes.
