Xhemaj Hasani ka zyrtarizuar kandidaturën e tij për Kryetar të Komunës së Podujevës në zgjedhjet lokale të 12 tetorit, duke marrë përkrahjen e plotë të Nismës Socialdemokrate dhe kryetarit të saj, Fatmir Limaj.
Në njoftimin e bërë publik, Hasani tha se Podujevës i duhet një qeverisje e mirë, transparente, energjike dhe me duar të pastra. Ai theksoi se gjatë katër viteve të fundit ka qenë zëri i qytetarëve dhe opozita e vetme në këtë komunë, duke mos heshtur asnjëherë për të vërtetën dhe interesin publik.
“Kërkoj dhe pres besimin tuaj më 12 tetor, që së bashku ta korrim fitoren që nga raundi i parë dhe të sjellim ndryshimin që e meriton Podujeva,” u shpreh Hasani.
https://www.facebook.com/share/p/1AotFLzVSL/