Presidenti ukrainas, Volodymyr Zelenksy, në Samitin e Komunitetit Politik Evropian në Tiranë, tha se lufta e Rusisë ndaj Ukrainës duhet të përfundojë sa më shpejt.
Tutje, Zelensky foli për kërkesën e tij për t’u përballur me presidentin rus Vladimir Putin, ku thotë se ky i fundit e refuzoi ofertën e tij.
Madje, presidenti ukrainas tha se Putini pati frikë të përballej me të në bisedimet në shtetin turk.
“E vlerësoj që ne e kuptojmë njësoj situatën. Lufta e Rusisë kundë Ukrainës duhet të përfundojë sa më shpejt. Ukraina ka nevojë për paqe. Këtë javë morëm hapa të rëndësishëm për të mbyllur këtë luftë, në rast se Putini nuk do kishte pasur frikë të vinte në Turqi. Isha në Ankara, u prita nga Presidenti Erdogan dhe isha i gatshëm për një takim të drejtpërdrejt me Putinin, jo thjeshtë takim por për të arrirë zgjidhjen e gjithë çështjeve të rëndësishme. Putin nuk ka dakord për asgjë. Delegacioni rus që erdhi në Stamboll ishte i një niveli shumë të ulët dhe asnjë nga përfaqësuesit nuk mund te merrnin vendime në Rusi. Dërgova një ekip në Stamboll për të parë nëse rusët do arrinin që të vendosnin ndonjë gjë”.
“Përparësia numër një e jona është të arrihet një armëpushim i plotë, i pakushtëzuar dhe i drejtë. Vrasja duhet të marrë fund dhe të krijohet një bazë e duhur për diplomacinë. Nëse përfaqësuesit e Rusisë nuk arrijnë dot asgjë sot në Stamboll, atëherë është 100 për qind e qartë se Putin vazhdon të minojë diplomacinë”, tha Zelensky.