Në fjalimin e tij përmbyllës nga vizita në Ankara të Turqisë, presidenti i Ukrainës, Volodymyr Zelensky, theksoi se vendi i tij nuk është agresori në këtë luftë dhe thekson se si Kievi është ofruar të bëjë kompromise përmes shumë kanaleve diplomatike.
Ukraina ka “shumë kushte”, thotë ai, duke shtuar se nëse vendi dhe Rusia mund të bien dakord për një armëpushim pa kushte – atëherë Ukraina do ta pranojë atë.
“Por një armëpushim nuk mund të vendoset në mënyrë të njëanshme nga një palë në një luftë dhe duhet të drejtohet më shumë presion ndaj Rusisë”, tha Zelensky.
Para se të përfundojë konferencën për shtyp, presidenti ukrainas thotë përsëri se delegacioni i tij do të jetë në Stamboll sot dhe nesër “për të siguruar që nuk ka surpriza” në bisedimet e paqes, shkruan BBC