Deputeti i Lidhjes Demokratike të Kosovës (LDK), Armend Zemaj, tha se partia e tij nuk ndërhyn në përzgjedhjen e kandidatit për kryetar të Kuvendit nga subjekti që ka të drejtën për ta propozuar, por kërkon që të ketë një marrëveshje të qartë politike që garanton dalje nga kriza, raporton Ekonomia Online.
“LDK ka qëndrim që ne nuk ndërhyjmë në përzgjedhjen e një kandidature nga ai që ka të drejtë të propozojë, sepse ai ka të drejtë të më propozojë edhe mua.
Nuk mund të kontestohet askush në këtë drejtim, por ne insistojmë që të ketë një marrëveshje e cila është e qartë, publike, një marrëveshje me program dhe pika që e nxjerrin Kosovën nga kriza ekonomike dhe varfëria”, u shpreh Zemaj.
Ai shtoi se LDK është subjekti i vetëm që deri më tani ka ofruar zgjidhje konkrete për tejkalimin e situatës, duke theksuar se mbështet vetëm një marrëveshje që përfshin zotime programore dhe përmbajtësore.
“Jemi të vetmit që kemi ofruar zgjidhje, deri në një gjendje të re”, përfundoi ai.
